Èc arvàt e’ mèš d’avril,
sla prumèsa d’ès zantil,
sa dal pjó bèli zurnèdi,
tèvde i dé, frèschi al sèrèdi.
Bèl e’ sól ch’e’ schèlda zà,
e vint grèd, jè pió che ‘sà,
per sintì che dòlz tèpòr,
che fà bòn ma tót i còr.
I burdèll i cór cuntèint,
sal cumèti che te vèint,
al va só e’ dòp al casca,
zó ma tèra o s’na frasca.
I véćć tóta la zurnèda,
i la pasa sla palèda,
i rispira l’èria ad mèr,
ch’la fà bòn ma tót i mèl.
Dimpartótt u jè di fiùr,
‘na sfilèda ad bej culùr,
cmè quii dl’ercbalén,
ch’i stupès e i fà stè bén.
I surtès i raz da i nid,
pèni nòvi e tót arplìd,
l’è òra da vulè,
e i n’à gnint da imparè.
Al gati sè prim calór,
al va sóbit in amór,
e mi gàt per fèl savè,
al miùla la nòta e e’ dé.
La zèinta la cambia faza,
la rid e la s’abraza,
avril e’ mèt bonumór,
us dòrma e us fà l’amór.
Ivano Aurelio Muratori
ECCO ARRIVATO APRILE!
Ecco arrivato il mese d’aprile,/ con la promessa di esser gentile,/ con delle gran belle giornate,/ tiepidi i giorni, fresche le serate.
Bello il sole che scalda già,/ e venti gradi sono abbastanza,/ per sentire quel dolce tepore,/ che fa bene a tutti i cuori.
I bambini corrono contenti,/ con gli aquiloni che nel vento,/ vanno su e dopo cadono,/ giù a terra o su un albero.
I vecchi tutta la giornata,/ la passano sulla palata,/ respirano l’aria di mare/ che fa bene per tutti i mali.
Dappertutto ci sono dei fiori,/ una sfilza di bei colori,/ come quelli dell’arcobaleno,/ che stupiscono e fanno star bene.
Escono gli uccelli dai nidi,/ penne nuove e tutti rifatti,/ è tempo di volare,/ e non hanno niente da imparare.
Le gatte col primo calore,/ vanno subito in amore,/ e ai gatti per farlo sapere,/ miagolano la notte e il giorno.
La gente cambia faccia,/ ride e si abbraccia,/aprile mette il buonumore,/ si dorme e si fa l’amore.
