Al tajadèli: un mit!
e lis tròva in tótt i sit,
traturii, risturènt,
sla prutèziòun de sènt.
Ui si pòrta divuziòun,
finènt l’aduraziòun,
sèinza mai ešagèrè,
ch’l’è ròba da magnè.
Us fà prèst sa sta via,
cumèt l’idulatria,
e fnì drét a l’infèrne,
castighèd da e’ Padrètèrne.
Grazie ma Ló avém fat,
tajadèli, un scról d piat,
le Ló ch’ém da prighè,
e vulènd da ringraziè.
Ai gém grazie, e per inciš,
ai dmandém te paradiš,
e’ médéšim tratamèint:
tajadèli dògnitènt!
Perché òltre che prighè,
us tucarà pu magnè,
in paradiš tótavia,
ui sarà una traturia.
Mo ilasó al tajadèli,
i n’è tótt bòn da fèli,
ui vurà dušènt azdóri,
a purtarém só ma lóri.
L’è mej ch’al sia tènti,
che e’ Signór u li fa sènti,
s’u li véd a lavurè,
l’è e’ mènc che pòsa fè.
Ivano Aurelio Muratori
LE TAGLIATELLE, UN MITO!
Le tagliatelle: un mito!/ e si trovano in tutti i posti,/ trattorie, ristoranti,/ con la protezione del santo.
Si porta loro devozione,/ fino alla adorazione,/ senza mai esagerare,/ che è roba da mangiare.
Si fa presto su questa via,/ commettere l’idolatria,/ e finire dritti all’inferno,/ castigati dal Padreterno.
Grazie a lui abbiamo fatto,/ tagliatelle, un sacco di piatti,/è Lui che dobbiamo pregare,/ e volendo ringraziare.
Gli diciamo grazie, e per inciso,/ gli chiediamo nel paradiso,/ il medesimo trattamento,/ tagliatelle ogni tanto!
Perché oltre che pregare,/ ci toccherà pur mangiare,/ in paradiso tuttavia,/ ci sarà una trattoria.
Ma lassù le tagliatelle,/ non sono tutti capaci di farle,/ ci vorranno duecento azdore,/ porteremo su loro.
È meglio che siano tante,/ che il Signore le fa sante,/ se le vede a lavorare,/ è il meno che possa fare.
