E’ canèl, a guardèl béin,
l’è còzla e pistuléin,
la surèla, la pisòta,
l’è còzla e pasaròta.
In pscarìa spès is tròva,
u jè ènca mèz ch’is mòva,
se zgàtul ch’u s’indrèza,
e a l’impruvisa e’ squèza.
E’ canèl e’ scapa fóra,
e al dòni lii stà sóra,
ch’al vò véda cum ch’e’ fà,
isé per curiosità.
Qualcheduna, birichina,
la va òlta sla manina,
la guèrda ad qua e d là,
per dì: che sèins che fà!
J’òmne i docia al pisòti,
da magnè ‘pèina scoti,
j diš quanta ròba frèsca,
l’infèzna dla franzèsca!
Per cumprè i fà al bòti,
chi i canèl e chi al pisòti,
šgänd e’ góst e prèferèinza,
mo per gnint i vò stè sèinza.
L’è ‘na ròba intrighènta,
miga per tóta la zèinta,
bšagna ès intènditur,
per gudè ad chi sapur.
Pr’ aprèzè la buntá,
is magna cmè crudità,
mo ènca gratinèd,
sl’òglie, aj e pèngratèd.
Ivano Aurelio Muratori
IL CANNOLICCHIO E LA MADIA
Il cannolicchio, a guardarlo bene,/ è guscio e pistolino,/ la sorella, la madia,/ è guscio e passerotta.
In pescheria spesso si trovano,/ c’è anche mezzo che si muovano,/ col frutto che si raddrizza,/ e all’improvviso spruzza.
Il cannolicchio esce fuori,/ e le donne gli stanno sopra,/ che voglion vedere come fa,/ così per curiosità.
Qualcheduna birichina,/ allunga la manina,/ guarda di qua e di là,/ per dire: che senso che fa!
Gli uomini guardano alle madie,/ da mangiare appena scottate,/ dicono: quanta roba fresca,/ l’immagine della francesca!
Per comperare fanno le botte,/ chi i cannolicchi chi le madie,/ secondo il gusto e preferenza,/ ma per niente vogliono star senza.
È una roba intrigante,/ mica per tutta la gente,/ bisogna essere intenditori,/ per godere di quei sapori.
Per apprezzarne la bontà,/ si mangiano come crudità,/ ma anche gratinati,/ con olio, aglio e pangrattato.
