E’ tór l’é un animèl,
che va òlta i zinc quintèl,
tótavi’ us ne pò véda,
qualchedun dna tunèlèda.
E quii sna bèla staza,
jà dal còrni cli t’amaza,
l’è sa quèli che e’ tór,
ut manda me Crèatór.
Gènèrósa la natura,
ch’la jà fat n’armadura,
sa di móscul d’azèr,
per cumbat còuntra e’ turèr.
E ló tal curidi in Spagna,
me turèr u ne sparagna,
qualchedun e’ diš ò chèra,
èmènc isé l’impèra.
L’è dutèd st’animèl,
d’ un òrgan sesuèl,
che per la dimènsiòun,
e’ fà guaši imprèsiòun.
L’è quèl che in fónd e’ còunta,
per putè ès tór da mòunta,
ch’ l’è e’ su mis-cèr,
òltre chè e’ su duvèr.
Un si straca, un s’arènd,
pjó ch’ui dà, pjó e’ rènd,
l’à ‘na gran rèsistènza,
pèina fnì lo l’arcmènza.
Un qualunque òm nurmèl,
u n’è bòn da imitèl,
e’ rèšèst una mezòra,
e pu dòp ul tira fóra.
Ivano Aurelio Muratori
IL TORO
Il toro è un animale,/ che va oltre i cinque quintali,/ tuttavia se ne può vedere,/ qualcheduno di una tonnellata.
E quelli con una bella stazza,/ hanno delle corna che t’ammazzano,/ e con quelle che il toro,/ ti manda al Creatore.
Generosa la natura,/ che gli ha fatto una armatura,/ con dei muscoli d’acciaio,/ per combattere contro il torero.
E lui nelle corride in Spagna,/ al torero non lo risparmia,/ qualcuno dice ho piacere,/ almeno così impara.
È dotato quest’animale,/ di un organo sessuale,/ che per la dimensione,/ fa quasi impressione.
È quello che infondo conta,/ per poter essere toro da monta,/ che è il suo mestiere,/ oltre che il suo dovere.
Non si stanca non si arrende,/ più ci dà più che rende,/ ha una grande resistenza,/ appena finito lui ricomincia.
Un qualunque uomo normale,/ non è capace di imitarlo,/ resiste una mezz’ora,/ e poi lo tira fuori.
