La mi möj ma chi burdèl,
la jà dét l’è carnèvèl,
av faz du tré fiuchét,
basta che a stèva zét.
Ai faz ènca per i grand,
tènimòdi i m’jà dmand,
a varzém ‘na bòcia d’vèin,
gì vujèlt s’lav va béin?
Al dà só al dä burdéli,
per dì: ma nun al fritéli,
sl’uvèta, méli e pgnul
che sinó a fém di dul.
La diš la nòna: a stàg mèl,
am ne frég de carnèvèl,
fam i casun sla marmelèda,
che mè a sò custipèda.
E’ mi fjól ad pòc paròli
l’à dmand al castagnòli,
ló l’è e’ cuchin dla ma’
t pò capì sl’an gne li fà.
E’ nòn e’ vléva al cantarèli,
ló l’é fisèd sa quèli,
l’à dét: scusè s’l’è tròp,
intènt a chèrg e’ s-ciòp.
L’è ‘ndè se balcòun,
a sparè m’un lampiòun,
perché per carnèvèl,
iqué ògni schèrz e’ vèl.
J’ànvudin i stéva zét,
i sparèva i murtarét,
i féva carnevalòun,
sal s-ciuptédi de nòn.
Alóra me per s-ciantèla,
a cmand la tajadèla,
béin fréta u s’intènd,
per nu tòla du ch’i la vènd.
La mi möj la à tac urlé:
vujèlt am fè s-ciupè,
a sì iqué ma chèša mia,
miga t ‘na pasticèria.
Per fèv quèl ch’uv pièš,
un mi bastaria un mèš,
am fè ròmp la schina,
an sò miga la Perugina.
Azidèint la vòlta ch’ò dét,
av faz du tré fiuchèt,
adèss órmaj a sém iqué,
capè fra gnint e quii ch’ilé.
Ivano Aurelio Muratori
VI FACCIO DUE TRE FIOCCHETTI
Mia moglie a quei bambini,/ ha detto è carnevale,/ vi faccio due tre fiocchetti,/ basta che stiate zitti.
Li faccio anche per i grandi,/ tanto me li hanno chiesti,/ apriamo una bottiglia di vino,/ dite voi se vi va bene?
Danno su le due bambine,/per dire: a noi le frittelle,/con l’uvetta, mele e pi- noli,/ se no ci lamentiamo.
Dice la nonna: sto male,/ me ne frego del carnevale,/ fammi i cascioni con la marmellata,/ che sono costipata.
Mio figlio di poche parole,/ ha domandato le castagnole,/ lui è il cocco della mamma,/ può capire se non gliele fa.
Il nonno voleva le cantarelle,/ lui è fissato con quelle,/ ha detto: scusate se è troppo,/ intanto carico il fucile.
È andato sul balcone,/ a sparare a un lampione,/ perché per carnevale,/ ogni scherzo vale.
I nipotini stavano zitti,/ sparavano i mortaretti,/ facevano carnevalone,/ con le schioppettate del nonno.
Allora io per schiantarla/ comando una tagliatella,/ ben fritta s’intende,/ per non prenderla dove la vendono.
Lei poverina ha cominciato a urlare,/ voi mi fate scoppiare,/ siete qui a casa mia,/ mica in una pasticceria.
Per fare quello che vi piace,/ non mi basterebbe un mese,/ mi fate rompere la schiena,/ non sono mica la Perugina.
Accidenti la vòlta che ho detto,/ vi faccio due tre fiocchetti,/ adesso ormai siamo qui,/ scegliete fra niente e quelli lì.
