L’è läng e’ dòpmèzdé,
e mè an sò cuša fè,
per nu fè tènti matèrie,
a ripiég se sulitèrie.
E’ zògh l’è quèl ch’ilé,
dato ch’a sò da par mè,
una scóppa lan gni scapa,
an la pòs zughè sla gata.
Me sulitèrie ai dag sèins,
sa tót quèl ch’a voj e a pèins,
róbi ch’ lim stà a còr,
sóld, saluta, viaz e amór.
Quand e’ sulitèrie um véin,
e vò dì che l’am va béin,
l’è un fat mòlt impurtènt,
zà ch’um lasa cuntèint.
Mo se al chèrti an l’infil,
a m’incaz, gnènca a dìl,
e un sulitèrie ch’un si ciud,
um dà ad fróz e um dèlud.
S’avéva un desidèrie,
l’à dét na e’ sulitèrie,
pèrò an la ciud ilé,
a sò pròunt per arcminzè.
E’ zógh l’è un braz ad fèr,
che dvèinta un brót afèr,
mè a insèst e ló dlistès,
avènti sa chèlma e zès.
Fina a la querta e la quinta,
se incóra an l’ò d vinta,
e tènimòdi un mi vèin,
a tir al cherti te camèin.
Ivano Aurelio Muratori
FACCIO UN SOLITARIO
È lungo il pomeriggio,/ e io non so cosa fare,/ per non fare tante materie,/ ripiego sul solitario.
Il gioco è quello lì,/ dato che son da solo,/ una scopa non ci scappa,/ non posso giocare con la gatta.
Al solitario gli do senso,/ con tutto quello che voglio e penso,/ cose che mi stanno a cuore,/ soldi, salute, viaggi e amore.
Quando il solitario mi viene,/ vuol dire che mi va bene,/ è un fatto molto importante,/ già che mi lascia contento.
Ma se le carte non le infilo,/ m’incazzo, neanche a dirlo,/ e un solitario che non si chiude,/ mi dà fastidio e mi delude.
Se avevo un desiderio,/ ha detto no il solitario,/ però non la chiudo lì,/ sono pronto per ricominciare.
Il gioco è un braccio di ferro,/ che diventa un brutto affare,/ io insisto e lui lo stesso,/ avanti con calma e gesso.
Fino alla quarta e alla quinta,/ se ancora non l’ho di vinta,/ e tanto non mi viene,/ tiro le carte nel camino.
