Sl’à séda e’ Signór
e’ bév Sanzvéš Supèriór,
che sia DOC, béin invcèd,
sóra mi quatòrg grèd.
E’ vèin ligèr da bataja,
ma Ló pròpie un gni caja,
ul sa quèl ch’l’à da bé,
u n’à bšägn da capè.
E’ pasa la matèina,
a mèt a pòst la cantèina,
e’ lèva al bòci, al damigèni,
e’ fà tót s’al su mèni.
E pu e’ tira zó e’ Sanzvéš,
un lavór che ma Ló ui piéš,
cumè imbucè, mèt i tap,
e bé quèl ch’u jè scap.
Ògni bòcia l’è numèrèda,
se tip d’óva e la déda,
s’una bèla scréta in òr,
Gran Risèrva de Signór.
Ló a bé e’ va pianin,
mai pjó d’un bicér pin,
te chèš ch’ui vénga séda,
l’à la bòcia ilé tachèda.
Quand e’ fà meditaziòun,
e’ pòrta dré e’ buciòun,
e e’ Sanzvéš ul sursègia,
a cichét durènt la végia,
Un déda ad quèl ch’ilé,
e’ dà sòbit da pensé,
l’ispira e un po’ e’ rilasa,
sèinza bévne una masa.
Ivano Aurelio Muratori
IL SANGIOVESE VINO DEL SIGNORE
Se ha sete il Signore,/ beve il Sangiovese Superiore,/ che sia DOC, ben invecchiato,/ e sopra ai quattordici gradi.
Il vino leggero da battaglia,/ a Lui proprio non caglia,/ lo sa quello che deve bere,/ non ha bisogno di scegliere.
Passa la mattina,/ a mettere a posto la cantina,/ lava le bottiglie, le damigiane,/ fa tutto con le sue mani.
E poi tira giù il Sangiovese,/ un lavoro che gli piace,/ come imbottigliare, mettere i tappi,/ e bere quello che gli è uscito.
Ogni bottiglia è numerata,/ col tipo d’uva e la data,/ con una bella scritta in oro,/ Gran Riserva del Signore.
Lui a bere va pianino,/ mai più di un bicchiere pieno,/ nel caso che gli venga sete,/ ha la bottiglia lì vicino.
Quando fa meditazione,/ porta dietro il bottiglione,/ e il Sangiovese lo sorseggia,/ a cicchetti durante la veglia.
Un dito di quello lì,/ dà subito da pensare,/ ispira un po’ e rilassa,/ senza berne molto.
