E’ sfròfla! Mo che bel!
La nèva la quèrz inquèl,
sna bèla imbiancadura,
e la spèrènza che la dura.
Las pònsa pièn pianéin,
sóra i cóp e fra i camèin,
dògnitènt un réful d vèint,
u la spargoja da tótt i chènt.
I frófle i casca adèši adèši,
e j s’amòcia dré mal chèši,
grós cmè un bajòc,
a fén un móć ui vò pòc.
I s’ataca cmè la mèlta,
sla nèva ch’las fà èlta,
la crès a vésta d’òć,
fra pòc la sarà un znòć.
La véin zó sa pòca vòja,
sè vòl strac d’ una fója,
fra jèrbur zà tótt plèd,
ch’ i per d zóchèr filèd.
I razuléin adèss in bèca,
i va un po’ a l’inzèca,
i zèrca te mèz dla néva,
una smèinta, un bruš, ‘na fèva.
S’una bèla buféda,
la zità l’è imbianchèda,
com i mur dla cantèina
dop ‘na mèna ad calzèina.
Un biènc immaculèd,
d’un lanzól apèina lavèd,
che cume un gran vél,
e’ quèrz tótt inquèl.
Ivano Aurelio Muratori
UNA BELLA IMBIANCATA
Nevica! Ma che bello!/ La neve copre tutto,/ con una bella imbiancata,/ e la speranza che duri.
Si posa pian pianino,/ sui coppi e fra i camini,/ ogni tanto un soffio di vento,/ la sparpaglia da tutte le parti.
I fiocchi cadono adagio adagio,/ e si ammucchiano vicino alle case,/ grossi come un soldo,/ a farne un mucchio ci vuol poco.
Si attaccano come la malta,/ con la neve che si fa alta,/ cresce a vista d’occhio,/ fra poco sarà un ginocchio.
Vengono giù con poca voglia,/ col volo stanco di una foglia,/ fra gli alberi già tutti spogli,/ che sembrano di zucchero filato.
Gli uccellini adesso non beccano,/ vanno un po’ a tentoni,/ cercano fra la neve,/ un seme, un bruco, una fava.
Con una bella nevicata,/ la città è imbiancata,/ come i muri dellae tutto. cantina,/ dopo una mano di calcina
Un bianco immacolato,/ di un lenzuolo appena lavato,/ che come un gran velo,/ copre tutto.
