Brót sugèt e’ faquajòun,
us trata dn’imbrujòun,
ch’ui dà, ui dà, ui dà
e prima o pu ut la fà.
Sal paròli u t’ inchènta,
ut cèva e pu us vènta,
e té, bicòun e invurnid,
t’arvènz còt e’ cundid.
Un ch’e’ cèva i pòri Crést,
l’è un vigliac, un dišunèst,
s’una lèza pjó sévéra,
e’ saria zà in galèra,
Mo finché u jè i bicun,
i va a nòzi i faquajun,
sèinza duvrè l’èsca,
jà sèimpre chèrna frèsca.
I bicun j va tla faldèda
cume e’ pès e’ va tla réda,
quand jè ilé, e’ birichin,
ui mèt pòc a fèi e’ bruschin.
Dòp ch’u jà fat e’ razir,
u jumèglia, ui tó in zir,
ui fà pèrd unór e faza
e ui fà fè ‘na figuraza.
Sa lór e’ faquajòun,
l’è ferócc cumè e’ liòun,
sèinza piètà u si sbrèna,
da gran fiól ad putèna.
Ròba ch’la fa ribrèz,
mi quajun chi ch’ui prutez?
Per salvèi faza e unór,
ui vuria un difènsór.
Mo i n’à incóra stè dirét,
e per adès jà da stè zét,
jà da stè tal mudandi,
e bèin mašèd fra l’gambi.
Ivano Aurelio Muratori
IL FACOGLIONE
Brutto soggetto il facoglione,/ si tratta di un imbroglione,/ che ci dà, ci dà, ci dà,/ e prima o poi te la fa.
Con le parole t’ incanta,/ ti chiava e poi si vanta,/e tu beccone e invornito,/ rimani cotto e condito.
Uno che chiava i poveri Cristi,/ è un vigliacco, un disonesto,/ con una legge più severa,/ sarebbe già in galera.
Ma finché ci sono i becconi,/ vanno a nozze i facoglioni,/ senza adoperare l’esca,/ hanno sempre carne fresca.
I becconi gli vanno in grembo,/ come i pesci vanno nella rete,/ quando sono lì, il birichino,/ ci mette poco a far loro il “bruschino”.
Dopo che ha fatto loro il raggiro,/ li umilia, li prende in giro,/ fa perder loro onore e faccia,/ e fa far loro una figuraccia.
Con loro il facoglione,/ è feroce come il leone,/ senza piètà se li sbrana,/ da gran figlio di puttana.
Roba che fa ribrezzo,/ ai coglioni chi li protegge?/ Per salvar loro faccia e onore,/ ci vorrebbe un difensore.
Ma non hanno ancora sto diritto,/ e per adesso devono stare zitti,/ devono stare nelle mutande,/ e ben nascosti fra le gambe.
