Ir dop ch’l’à fat scur scur,
a séra in Piaza Cavour,
per dmandé ma quij in zir,
se la befèna l’èra a tir.
U m’à dét un de cumun,
ch’ la vèin ènca da nun,
l’ariva e’ sé ad znèr
s’un efèt spétaculèr.
Una ròba felinièna,
se capel a la rumèna,
la mantèla, la ramaza,
s’un chèl d cipria tla faza.
L’ariva vèrs al quatre,
las fèrma spès e’ teatre,
tla vasca las lèva i pid,
per nu ciapè e’ covid.
I l’aspèta pèr junur,
Jamil séndic s’j asèsur,
tót quant j strènz la mèna,
e i diš viva la befèna.
Se lai pòrta de carbòun,
sèinz’èltrè e’ verà bòn,
sl’aumèint de gas la befèna,
la pò dè ‘na bòna mèna.
La putria fè l’asèsór,
ma l’énérgia e me calór,
s’u jè qualche prubléma,
lai pènsaria la befèna.
La pò mèt in tal calzeti,
i quatrèin per al bulèti,
la zènta ch’la lavóra,
la giria ch’l’éra òra.
Ivano Aurelio Muratori
JAMIL ASPETTA LA BEFANA
Ieri dopo che ha fatto buio,/ ero in Piazza Cavour,/ per chiedere a quelli in giro,/ se la befana era a tiro.
Mi ha detto uno del comune,/ che viene anche da noi,/ arriva il sei di gennaio,/ con un effetto spettacolare.
Una roba felliniana,/ col cappello alla romana,/ la mantella, la ramazza,/ con un chilo di cipria in faccia.
Arriva verso le quattro,/ si ferma vicino al teatro,/ nella vasca si lava i piedi,/ per non prendere il covid.
L’aspettano per gli onori,/ Jamil sindaco con gli assessori,/ tutti quanti le stringono la mano,/ e dicono viva la befana.
Se porta loro del carbone,/ senz’altro verrà buono,/ con l’aumento del gas la befana,/ può dare una grossa mano.
Potrebbe fare l’assessore,/ all’energia e al calore,/ se c’è qualche problema,/ ci penserebbe la befana.
Può mettere nelle calze,/ i quattrini per le bollette,/ la gente che lavora,/ direbbe che era ora.
