Nadèl órmai l’è pas,
e si caplét a si’ pjó gras,
an vi putì lazè i calzun,
uv täca mètve a digiùn.
Per tré o quatre dé,
stašì sèinza magné,
e bivì aqua minèrèla,
ch’la fà vnì la pisarèla.
A pisè una gran masa,
la pènza la s’abasa,
dòp una cura isé,
i calzun a vi lazè.
Tènimòdi sè digiùn,
u n’è mòrt mai nisun,
us pèrd un péra d chél,
sèinz’èltre uv täca fél.
Isé per l’ùtme dl’an,
an vi truvè in afan,
a si prunt apèina apèina,
per fév un’ènta zèina.
E per aspité l’an nòv,
u jè i caplét d’arnòv,
che sèinza quij ch’ilé,
l’an un pò cminzè.
Un gn’è bšägn da fè i mat,
e d magnèn un scról d piat,
ui n’è ènca pr e’ dé dòp,
se prim dl’an cume scòp.
Uv tucarà dòp dla befèna,
digiunè per una stmèna,
e per arturnè me pèš nurmèl,
av truvarì magara mèl.
Ivano Aurelio Muratori
DOPO IL NATALE IL DIGIUNO
Natale ormai è passato,/ e coi cappelletti siete più grassi,/non vi potete allacciare i pantaloni,/ vi tocca mettervi a digiuno.
Per tre o quattro giorni,/ state senza mangiare,/ e bevete acqua minerale,/ che fa venire la pisciarella.
A pisciare molto,/ la pancia si abbassa,/ dopo una cura così,/ i pantaloni ve li allacciate.
Tanto col digiuno,/ non è mai morto nessuno,/ si perde un paio di chili,/ senz’altro vi tocca farlo.
Così per l’ultimo dell’anno,/ non vi trovate in affanno,/ siete appena pronti,/ per farvi un’altra cena.
E per aspettare l’anno nuovo,/ ci sono i cappelletti di nuovo,/ che senza quelli lì,/ l’anno non può cominciare.
Non c’è bisogno di fare i matti,/ e di mangiarne tanti piatti,/ ce nèi sono anche per il giorno dopo,/ con il primo dell’anno come ragione.
Vi toccherà dopo la Befana,/ digiunare per una settimana,/ e per ritornare al peso normale,/ vi troverete magari male
