Una vòlta dop magnè,
j géva: a vag te cafè!
l’éra una bòna scuša,
per putè scapè da chèša.
E’ bar l’éra pin ad zèinta,
da vint’an ma j’utènta,
tót òmne ch’i andéva ilé,
apòsta per tò e’ cafè.
Il vléva èlt, nurmèl, ristrèt,
s’un cincìn ad Fernèt,
u n’éra pu una rarità,
quél curèt cun e’ Mistrà
Dré ma quèl l’amarin,
una grapa o un cugnachin,
per favurì la digèstiòun,
sèinza pasè da imbriagòun.
Te bar u jéra tènt d che fóm,
ch’un s’vidéva gnènca lóm,
e per fumè com i danèd,
i s’ardušèva tót infunghèd.
Drèinta che fumaròun,
j zughéva a scupòun,
a bréscula sina a tré sét,
fina a l’òra d’andè a lèt.
U jéra quij ch’i féva tèrd,
s’al partidi a biglièrd,
is zughèva i panitun,
i boèri e di migliun.
Ui n’éra pèrò paréćć,
ch’in stéva ilé si véćć,
in géva gnint ma nisun,
e j’andéva via a sputanùn.
Ivano Aurelio Muratori
Il BAR DI UNA VOLTA
Una volta dopo mangiato,/ dicevano: vado nel cafè!/ era una buona scusa,/ per poter uscir di casa.
Il bar era pieno di gente,/ da vent’anni agli ottanta,/ tutti uomini che andavano lì,/ apposta per per prendere il caffè.
Lo volevano alto, normale, ristretto,/ con un pochino di Fernet,/ non era poi una rarità,/ quello corretto col Mistrà.
Dietro a quello l’amarino,/ una grappa o un cognac,/ per favorire la digestione,/ senza passare da ubriaconi.
Nel bar c’era tanto di quel fumo,/ che non si vedeva neanche lume,/ e per fumare come dannati,/ si riducevano tutti affumicati.
Immersi in quel fumo,/ giocavano a scopone,/ a briscola se no a tre sette,/ fino all’ora di andare a letto.
C’erano quelli che facevano tardi,/ con partite a bigliardo,/ si giocavano i panettoni,/ i boeri e i milioni.
C’è n’erano però parecchi,/ che non stavano lì coi vecchi,/non dicevano niente a nessuno,/ e andavano via a sputanoni.
