Quand la nòta d Nadèl,/ l’arnas e’ bambinèl,/ du ch’u s’azènd la stèla,/ ai vag a lèz sta zirudèla.
Ai girò: mi bòn Gišó,/ iqué un s’ne pò pjó,/ an vi dég una cazèda,/ pruvè a dè un’ ucèda!
Sta malèdèta pandèmia,/ an sém bòn d spazèla via,/ la fà i mòrt a migliun,/ e lan rispèrmia ma nisun.
Guardè, e pu fèv curàgg,/ e stè tènti me cuntàgg,/ un scról in fà e’ vacino,/ e is fà véda ste brót cino.
E’covid e’ va a galòpa,/ e nisun u l’acópa,/ l’è ‘na bès-cia ignurènta,/ ch’la muta sla variènta.
An stém dré a vacinès,/ l’è isé ch’a sém mès,/ s’al savì scušè tènt,/ pèrdunè e’ mi lamèint.
Tènimòdi av s’ incòrt,/ ad tènt cris-cèn ch’jè mòrt,/ jà rés l’alma me Signór,/ e intènt e’ virus un mòr.
Ló un s’è fàt sintì, u n’àvrà gnint da dì,/ fašì vó bòn Gišó Crèst,/ che e’ mänd a l’avì vèst!
Vó ch’avì fat véda i zigh,/ cavès vi’ da ste castig,/ adès ch’l’è Nadèl,/ e’ virus bšägna acupèl.
E’ mänd u v’aringrèzia,/ sa mitì fèin ma sta šgrèzia,/ e a vnì incòntre ma l’òm,/ che sè virus l’è stè dóm.
Sl’à fat pu qualche pchè / òramai u l’à scuntè,/ e e’ prumèt ma vó Gišó,/ che da òz un ne fà pjó.
Per fév véda ch’l’è bòn,/ uv manda e’ panitòun,/ sna bócia per fè la bòta,/ e un cin cin ilé tla gròta.
Ivano Aurelio Muratori
ZIRUDELlA DI NATALE
Quando la notte di Natale,/ rinasce il bambinello,/ dove si accende la stella,/ vado a leggere questa zirudella.
Gli dirò: mio buon Gesù,/ qui non se ne pò più,/ non vi dico una cazzata,/ provate a dare un’occhiata!
Quest’accidente di pandemia,/ non siamo capaci di spazzarla via,/ fa i morti a milioni,/ e non risparmia nessuno.
Guardate, e poi fatevi coraggio,/ e state attento al contagio,/ tanti non fanno il vaccino,/ e ci fanno vedere questo brutto film.
Il covid va al galoppo,/ e nessuno lo accoppa,/ è una bestia ignorante,/ che cambia con la variante.
Non stiamo dietro a vaccinarci,/ è così che siamo messi,/ se lo sapete scusate tanto,/ perdonate il mio lamento.
Tanto vi siete accorto,/ di tanti cristiani che sono morti,/ hanno reso l’anima al Signore,/ e intanto il virus non muore.
Lui non si è fatto sentire,/ non avrà niente da dire,/ fate voi buon Gesù Cristo,/ che il mondo l’avete visto.
Voi che avete fatto vedere i ciechi,/ toglieteci da questo castigo,/ adesso che è Natale,/ il virus bisogna accopparlo.
Il mondo vi ringrazia,/ se mettete fine a questa disgrazia,/ e venite incontro all’ uomo,/ che col virus è stato domato.
Se ha fatto poi qualche peccato,/ oramai l’ha scontato,/ e promette a voi Gesù,/ che da oggi non ne fa più.
Per farvi vedere che è buono,/ vi manda il panettone,/ con una bottiglia per fare il botto,/ e un cin cin lì nella grotta.