Da da lòng cumè da všèin,/ l’è pròpie bèl San Marèin,/ in véta a ‘na muntagna,/ sl’avduda dla Rumagna.
Al tré ròchi sè castèl,/ al pèr calèdi da te zèl,/ e pu säta tènt cašini,/ sa tramèza al su stradini.
L’è mès t’una manièra,/ d’ès tèraza dla riviéra,/ una zima sl’Adriatic,/ fra Rémin e Zišnatic.
L’è ‘na bèla cartulèina,/ sè sfänd dla marèina,/ du ch’e’ spèca e’ Mónt Titèn,/ sóra Arzun e ma Curièn.
U l’à fat San Marèin,/ un dalmata scarplèin,/ sla mazèta e sè scarpèl,/ l’à trat fóra stè giujèl.
E pu prima da murì,/ l’à dét burdèll mè a m’avì,/ e av las in sta zità,/ in pèša e in libertà.
Òz l’è un statèrèl,/ znèin per quant ch’l’è bèl,/ pulìd e tnùd bèin,/ fiurid cumè un zardèin.
Pin d butéghi, chèši e ciši,/ urdinèdi e tót’ prèciši,/ l’à l’aeropòrt, la funìvia,/ ui mènca sna la fèruvia.
Ivano Aurelio Muratori
Da lontano come da vicino,/ è tanto bello San Marino,/ in cima a una montagna,/ con la veduta della Romagna.
Le tre rocche col castello,/ sembrano calate dal cielo,/ e poi sotto tante casine,/ con in mezzo le sue stradine.
È messo in una maniera,/ da essere terrazza della riviera,/ una cima sull’Adriatico,/ fra Rimini e Cesenatico.
È una bella cartolina,/ con lo sfondo della marina,/ dove spicca il Monte Titano,/ sopra Riccione e a Coriano.
L’ha fatto San Marino,/ un dalmata scalpellino,/ con la mazzetta e lo scalpello,/ ha tirato fuori questo gioiello.
E poi prima di morire,/ ha detto ragazzi io mi avvio,/ e vi lascio in sta città,/ in pace e in libertà.
Oggi è uno staterello,/ piccolo per quanto bello,/ pulito e tenuto bene,/ fiorito come un giardino.
Pieno di botteghe, case e chiese,/ ordinate e tutte precise,/ ha l’aeroporto, la funivia,/ ma è senza ferrovia.
