Int la zità la rutatòria,/ la à cambiè la stòria,/ lis tròva in tótt j incruš,/ si sémafur òrmaj ciuš.
L’è ‘na ròba ch’la va bèin,/ l’amènca quèla d San Marèin,/ e cl’èlta sla via d Curièn,/ ch’j la cminzarà pasdmèn.
Fati quèli us tira drét,/ da la zità só per i ghét,/ e da Bèlèria fin Arzun,/ un si fèrmarà nisun.
Ènzi us currà ènca tròp,/ un gni sarà nisun intòp,/ mo tla rutònda per zirè,/ qualcun us pò arbaltè.
S’us va fòrt us ciap e’ prèl,/ e us va zó cume un biréll,/ per furtuna ch’ai sò mè,/ ch’at dég cum ch’t’è da fè.
Imbàcla da ‘na pèrta,/ e’ schèla da la quèrta,/ téin la mèna, n’ut cunfänd,/ e pu zira tótt da tänd.
Stà tranquèl, stà srèin,/ e nu pròva d’andè pièn,/ nu t’azèrda da mèt la prima,/ che quij di dré i biastima.
Apèina t scàp tòn un’ ènta,/ e’ fà quèl che fà la zèinta,/ ch’ la fà quèl che t fè tè,/ la t guèrda e la t véin dré.
Se e’ prim dla fila e’ frèina,/ per quii didré l’è l’arvèina,/ un sa ch’èlt is tampòuna,/ la rutatòria lan pèrdòuna.
Ivano Aurelio Muratori
In città la rotatoria,/ ha cambiato la storia,/ si trovano in tutti gli incroci,/ coi semafori ormai chiusi.
È una cosa che va bene,/ manca quello di San Marino,/ e quell’altra sulla via di Coriano,/ che cominceranno dopodomani.
Fatte quelle si tira dritto,/ dalla città su per i ghetti,/ e da Bellaria fino a Riccione,/ non si fermèrà nessuno.
Anzi si correrà anche troppo,/ non ci sarà nessuno intoppo,/ ma nella rotonda per girare,/ qualcuno si può ribaltare.
Se si va forte si prende il prillo,/ e si va giù come un birillo,/ per fortuna che ci sono io,/ che ti dico come devi fare.
Imboccala da una parte,/ e scala dalla quarta,/ tieni la mano, non ti confondere,/ e poi gira tutto intorno.
Sta tranquillo, sta sereno,/ e non provare di andare piano,/ non t’azzardare a mettere la prima,/ che quelli dietro bestemmiano.
Appena uscito prendine un’altra,/ e fa quello che fa la gente,/ che fa quello che fai te,/ ti guarda e ti viene dietro.
Se il primo della fila frena,/ per quelli dietro è la rovina,/ uno con l’altro si tamponano,/ la rotonda non perdona.
