Òs-cia òz che mèr gròs!/ e’ pèr sè dièvul madòs, /a l’ò las ch’l’éra piat,/ e al tròv che e’ fà e’mat.
Ció! t’è fat n’aqua scura,/ ch’la pèr dla fugnadura,/ s’un culuraz maròun,/ ch’la fà guaši imprèsiòun.
Da te fänd t’è pòrt a gala,/ un scról d ròba zala,/ èlghi, rèmi, quèlc bastòun,/ drèinta tót te buliròun.
Fà stè bòn chi cavalun,/ ch’is s-cènta si tumbùlun,/ sa dal butèdi d s-cióma,/ ch’i pèr caval ch’i fóma.
Qualcun pjó imbizarìd,/ um vèin caschè si i pid,/ um lasa iqué te guaz,/ cmè per dì schèvte de caz.
Viva Dio, dat ‘na calmèda!/ tat la ciap sla palèda? Chisà che cólpa ch’la jà,/ e ma tè che dàn ch’la t dà?
Adèss carèin dim mu mè,/ cume mai ‘na ròba isé,/e perché t ci isé d travèrs,/ tat t ci vést? t an ti si guèrs?
At girò che ènca mè,/ dal vòlti a faz isé,/ a m’incaz, una sfu rièda,/ pu la pasa la buraschèda.
Ivano Aurelio Muratori
Osta oggi che mare grosso!/ sembra col diavolo addosso,/ l’ho lasciato che era piatto,/ e l’ ho trovo che fa il matto.
Di’, hai fatto un’acqua scura,/ che pare della fognatura,/ con un coloraccio marrone,/ che fa quasi impressione.
Dal fondo hai portato a galla,/ un mucchio di roba gialla,/ alghe, rami qualche bastone,/ tutto dentro al rigurgito.
Fa star buoni quei cavalloni,/ che si schiantano sugli scogli,/ con delle buttate di schiuma,/ che sembrano cavalli che fumano.
Qualcuno più imbizzarrito,/ mi viene a cadere sopra ai piedi,/ mi lascia qui nel bagnato,/ come per dire scavati dal cazzo.
Viva Dio datti una calmata!/ te la prendi con la palata?/ Chissà che colpa che ha,/ e a te che danno che ti dà?
Adesso carino dimmi,/ come mai una cosa così,/ e perché sei così di traverso,/ ti sei visto? non ti sei guardato?
Ti dirò che anche io,/ a volte faccio così,/ m’incazzo, una sfuriata,/ e poi passa la burrascata.
